Настройкі
Настройкі шрыфту
PT Sans
Times New Roman
Памер
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным
па белым
Белым
па чорным
Карэлiцкi
раённы
выканаўчы
камітэт

Навiны раёна

31 снежня 2021

Навагодні зварот старшыні раённага выканаўчага камітэта Генадзія Шатуева да жыхароў Карэліцкага раёна

 Дарагія землякі!

Сёння мы стаім на парозе новага 2022 года. Перагорнута яшчэ адна старонка гісторыі нашага раёна.
Навагоднія ўрачыстасці папярэднічаюць падзеям наступнага года, дазваляюць падвесці вынікі, надаюць імпульс будучым справам і пачынанням. Аналізуючы зробленае ў годзе адыходзячым, можна з упэўненасцю сказаць, што ён быў шчодры на добрыя справы, цудоўныя падзеі, цікавыя мерапрыемствы.
Хочацца зрабіць невялікі экскурс у прайшоўшы сельскагаспадарчы год. Халодная і зацяжная вясна прывяла да таго, што частку азімых збожжавых прыйшлося перасеяць. Аднак лён і травы парадавалі — мы змаглі забяспечыць Карэліцкі льнозавод сыравінай, а грамадскае пагалоўе — якаснымі кармамі на ўвесь зімовы стойлавы перыяд. Азімы рапс паказаў сябе на ўзроўні мінулага года. У двух сельгаспрадпрыемствах: «Свіцязянка-2003» і «Жухавічы» паспяхова працуюць лініі па перапрацоўцы насення гэтай культуры. Атрыманы добры валавы збор цукровых буракоў, аднак у наступным годзе гэтую планку неабходна ўзняць.
СВК «Свіцязянка-2003» зноў ставіць вытворчы рэкорд, атрымаўшы ад кожнай каровы 10 450 кг малака. Цяпер мы закладваем істотны падмурак для вытворчасці вялікага малака: будуем малочнатаварную ферму на 610 галоў у СВК «Жухавічы», яшчэ дзве МТФ знаходзяцца ў стадыі праектавання.
Істотна ўмацаваўся машынна-трактарны парк раёна. Набыта 13 трактароў, 5 збожжаўборачных камбайнаў і іншая сельскагаспадарчая тэхніка. На гэта затрачана больш за 6 млн рублёў.
Пільная ўвага ўдзелена пытанню добраўпарадкавання. Заасфальтаваны дарогі ў аграгарадку Лукі і вёсцы Загор’е, уладкавана новая пешаходная дарожка да сярэдняй школы № 1 райцэнтра, ачышчана возера Быкава і прыведзена ў парадак прылеглая тэрыторыя (работы будуць працягнуты ў 2022 годзе), адрамантаваны фасады будынкаў, заменены граніт на мемарыяльным комплексе “Зорка”.
Паспяхова развіваецца сацыяльна-культурная сфера. Радавалі сваімі поспехамі навучэнцы ўстаноў адукацыі раёна ў алімпіядным руху, аглядах-конкурсах, спорце. На спартыўных дасягненнях неабходна спыніцца асобна. 21-гадовы карэліччанін Аляксей Алфёраў стаў уладальнікам срэбра Чэмпіянату свету па боксе і такім чынам упісаў сваё імя ў гісторыю спорту. Карэліцкія футбалісты занялі другое месца ў абласных спаборніцтвах у праграме спартакіяды «Залаты колас» сярод сельскіх жыхароў па футболе.
Нягледзячы на цяжкасці, удалося забяспечыць планамернае сацыяльна-эканамічнае развіццё Карэліччыны. Адказнасць, мэтанакіраванасць, зладжаная праца працоўных калектываў дапамагалі нам вырашаць самыя складаныя задачы, захоўваць стабільнасць і згоду ў грамадстве.
Раённы выканаўчы камітэт у новым годзе разлічвае на кожнага з вас, спадзяецца на поўную аддачу ў працы, на смелыя ініцыятывы, беражлівыя адносіны да культурных і духоўных каштоўнасцяў.
Дарагія сябры!
На фінішы адыходзячага года дзякую вам за добрасумленную працу, за ўклад у развіццё Карэліччыны, зямны паклон ветэранам вайны і працы!
Няхай будучы год прынясе ў кожны дом, у кожную сям’ю дабрабыт і ўтульнасць, падорыць яркія справы і здзяйсненні, адкрые новыя магчымасці і перспектывы, пройдзе пад знакам мудрасці, спакою і дастатку. Хай спраўдзяцца надзеі і самыя запаветныя мары, сыдуць засмучэнні і нягоды. Жадаю вам моцнага здароўя, энергіі, аптымізму, шчасця, міру і згоды, светлага святочнага настрою!