Настройкі
Настройкі шрыфту
PT Sans
Times New Roman
Памер
A
A
A
Міжлітарная адлегласць
Стандартнае
Павялічанае
Вялікае
Колеравая схема
Чорным
па белым
Белым
па чорным
Карэлiцкi
раённы
выканаўчы
камітэт

Навiны раёна

16 ліпеня 2021

Карэліччане пабывалі на рэспубліканскім свяце "Купалле ""Александрыя збірае сяброў" і дзеляцца ўражаннямі

 Свята Купалле «Александрыя збірае сяброў» стала сапраўдным брэндам Беларусі, і трапіць туды могуць толькі лепшыя творцы. Сярод яго ўдзельнікаў былі і карэліччане. Сваімі ўражаннямі падзялілася майстар народна-мастацкіх рамёстваў аддзела рамесніцкай дзейнасці «Карэліцкі Дом рамёстваў», малады спецыяліст Паліна Мельнік:

Паліна Мельнік (другая злева) на свяце

— Я ўпершыню была на такім вялікім свяце і мяне перапаўняюць эмоцыі. У Александрыі было шмат артыстаў, музыкантаў, рамеснікаў. Прадстаўлена вялікая канцэртная праграма. Асабліва ў сэрца запала выступленне, у якім я прымала ўдзел. На афіцыйнай цырымоніі адкрыцця  свята разам з прадстаўнікамі іншых абласцей выступала са сваім ручніком. Дарэчы, сімвалам свята стаў ручнік. І як ён нараджаецца, таксама можна было ўбачыць на ўрачыстасці.

У самой назве свята «Александрыя збірае сяброў» закладзены вялікі сэнс. Гэта блізкае і роднае сэрцу. Наведаўшы цудоўны край і акунуўшыся ў яго атмасферу, міжволі пачынаеш думаць аб такіх простых і важных ісцінах жыцця, як сям’я, любоў, павага.

Добрыя ўражанні засталіся пры наведванні аграгарадка Александрыя. Хочацца адзначыць, што працавітасць жыхароў Шклоўшчыны заўважылі адразу: дагледжаныя палі і добрыя дарогі, а ў самім населеным пункце ўтульна і чыста. Шклоўцы любяць працаваць, ладзіць святы, сустракаць гасцей.

Нас, шчасліўчыкаў, з Карэліччыны было трое. Акрамя мяне, Вольга Крышэнь з Карэліцкага Дома рамёстваў і Аляксандр Заблоцкі з Карэліцкага  раённага Цэнтра культуры і народнай творчасці. Як людзі творчыя, мы сустрэлі для сябе шмат карыснага, бо наша беларуская зямля багатая на таленты. Як і на сяброўства, якое нягледзячы на вялікія адлегласці і жыццёвыя перашкоды, мацнее з кожным годам. І гэтаму пацвярджэнне — свята Купалле «Александрыя збірае сяброў».