Официальный сайт
Адрес райисполкома:
231430, г.п. Кореличи,
пл. 17 Сентября, 9
Электронная почта:
korelichi@mail.grodno.by
Телефон: 8-(1596)-2-18-24
Факс: ***

19 мая 2022

У Карэлічах на мемарыяльным комплексе «Зорка» адбылася ўрачыстая лінейка, прысвечаная 100-годдзю піянерскай арганізацыі

 19 мая. А дзясятай гадзіне на мемарыяльным комплексе «Зорка» ў г.п. Карэлічы сабраліся вучні школ раёна, ветэраны піянерскага руху, прадстаўнікі мясцовай улады. Праводзіцца ўрачыстая лінейка «Салют піянерскаму папаўненню!» з нагоды 100-годдзя піянерскай арганізацыі. Пачынаецца пераклічка гатоўнасці піянерскіх дружын раёна да ўрачыстай лінейкі. Здаецца рапарт старшыні раённага савета піянерскай арганізацыі — і ўрачыстасць пачынаецца.

Слова прадастаўляецца начальніку ўпраўлення адукацыі Карэліцкага раённага выканаўчага камітэта Ірыне Асташэвіч. Ірына Валер’еўна назвала гэты дзень знамянальным, бо ўсе былі ў свой час піянерамі. Расказала пра тое, як сама ўступала ў піянеры ў Карэліцкай сярэдняй школе. «Я рада, што рады піянерскай арганізацыі папаўняюцца, гэта самая масавая і маладая арганізацыя», — зазначыла прамоўца і пажадала дзяўчынкам і хлопчыкам праявіць сябе ў вучобе, спорце, творчасці — быць першымі. Каб яны стваралі цікавыя сацыяльныя праекты, а самі раслі здаровымі, разумнымі, добрымі, творчымі.
Святам юнацтва і патрыятызму назвала векавы юбілей піянерскай арганізацыі намеснік дырэктара ДУДА «Карэліцкі раённы цэнтр творчасці дзяцей і моладзі» Вікторыя Русецкая і адзначыла, што на рахунку піянерскіх дружын шмат цікавых спраў, яны прымаюць удзел у конкурсах і акцыях. Пажадала ўсім сяброўства, згуртаванасці, міру.
Вучні даюць урачыстае абяцанне: «Я, уступаючы ў рады Беларускай рэспубліканскай піянерскай арганізацыі, перад сваімі таварышамі ўрачыста абяцаю: любіць сваю Радзіму, быць добрым, сумленным і справядлівым, заўсёды прытрымлівацца Статута і Законаў Беларускай рэспубліканскай піянерскай арганізацыі…» Права павязаць піянерскія гальштукі прадастаўляецца гасцям урачыстасці, піянерам-актывістам, педагогам-арганізатарам, членам БРСМ.
«З сённяшняга дня пачынаецца ваша піянерскае жыццё. Смела і ўпэўнена крочце па краіне Піянерыі. Памятайце, што вы выбралі надзейны шлях і на гэтым шляху побач з вамі будуць шумець хвалі акіяна Сяброўства і Дабра! Не ў гульні, а на справе пакарайце вяршыню за вяршыняй. Адольвайце самыя цяжкія перавалы. Шчаслівай вам піянерскай дарогі!» — пажадала старшыня Карэліцкага раённага Савета піянерскай арганізацым Кацярына Стасевіч.
У сваім выступленні піянеры-навічкі дружыны імя Мікалая Арцюха сярэдняй школы № 1 г.п. Карэлічы абяцаюць быць першымі, да добрых спраў гатовымі і адзін аднаго падтрымліваць.
Аб піянерскім руху і такіх яго прынцыпах, як сяброўства, грамадзянства, патрыятызм, нагадаў загадчык сектара ідэалагічнай работы і па справах моладзі Карэліцкага райвыканкама Генадзій Карпаленка і заклікаў піянераў захаваць і прымножыць слаўныя традыцыі.
На ўрачыстасці прысутнічала ветэран піянерскага руху, дырэктар Дома піянераў і школьнікаў з 1986 па 2010 год Лідзія Алясюк. Лідзія Казіміраўна адзначыла, што піянер — значыць першы, і піянеры таго часу былі заўжды першымі і ініцыятарамі карысных спраў. Многія піянерважатыя прадаўжаюць працаваць, аддаючы свае сэрцы дзяўчынкам і хлопчыкам. Пажадала, каб сённяшнія піянерскія арганізацыі жылі цікавым і змястоўным жыццём, і піянеры былі дастойнымі грамадзянамі нашай любімай Радзімы.
На ўрачыстай лінейцы ўспомнілі аб героях Вялікай Айчыннай вайны. Памяць аб загінулых была ўшанавана хвілінай маўчання. Піянеры ўсклалі кветкі да помніка.